Då var siste runde i gymsalen over for i år. Hjarteleg takk til alle som har vore innom i haust! Neste store hending i gymsalen er juletrefest torsdag 19. Då kan det vera at det kjem andre nissar…. Over nyåret treffaste nok i lysløypa på Tjørhom. God jul, og godt nytt år i 2025!
I kveld opna dørene til gymsalen litt over kl. 17, og det var ein veldig klar gjeng som venta i kjølen og mørkret utanfor. Då gjorde det ekstra godt å opne dørene til litt leik og moro for våre minste her i dalstroka innafor. Kreativiteten blømer og hjå dei minste, og berekraftsmåla til FN nådde stadig nye høgder og konfigurasjonar i kveld. Dei litt eldre ville nok drege kjensel på det som «ekte Minecraft». Men det vart ein god plattform…
Kveldens knøttetrening i gymsalen sette årsrekord med heile 18 knøtt i ymse aldrar i aktivitet ute på parketten. Det var aktivitetar av alle slag, både auge/hand, auge/fot, balanse, koordinasjon, samarbeid og kreativitet. I dag var det og mange engasjerte støtteapparat på plass. God stemning og flott aktivitet i haustmørkret. Og standarden er sett!