Lysløype avlyst
I kveld, 16.3, vert diverre kveldens runde avlyst.
Lysløype avlyst
Litt for mykje ruskever gjorde at kveldens utgåve av Lysløypekarusellen vart avlyst. Betre lukke neste veke!
Knøttetreninga tek juleferie, og takk for i år
Gymsalen på skulen har diverre (for oss knøtteføresette) innteke juletrefestmodus. Det er difor på tide å takka for 2022, sjølv om me kanskje hadde sett for oss eit siste sprell der før juleroa senka seg. Hjarteleg tusen takk for deltaking i dette året som har gått, og ha eit godt, nytt år! God jul!
Han er oppstanden…
4 vekers ventetid. Advent. 1+ års måndagsfotballopphald. Uuthaldeleg! SARS CoV-2 sette ein brå stoppar for mange menns halvdårlege unnskyldning for å ha nær, kroppsleg kontakt med andre menn våren 2020 . Men omsider er måndagsfotballen i gymsalen på Sinnes skule i gang att! 13 sultefora fotballmenn møtte overraskande opp. Heile 10 meir enn det som offisielt var påmeldt til kveldens evenement. Det er vel gjerne det ein kan kalla ein pangstart…? Det er jo sjølvsagt også på sin plass å…
Knøttetrening avlyst/endra i veke 49
Den vekentlege treninga i gymsalen må diverre utgå denne veka på grunn av tentamenar på skulen. Det er mogleg å ta ein tur til toppen av Myraleitet for å testa skeisetilhøva der i staden…med eller utan skeiser.
Når mørkret no har senka seg…
…er det godt å samlast til leik og moro i gymsalen. Det er jo ikkje anna enn kjempestas å kunne konstatera nok ein årsrekord i oppmøtestatistikken, med heile 19 små på startstreken. Ikkje mindre enn 8 grender i øvre Sirdal stiller med mannskap. Med slik utvikling må det vera lov å koma med eit lite ynskje og von om å bikka 20-talet før me gjev oss for 2022 om to veker…
Hopp og sprett og tjo og hei…
Sytten små sjeler skulle samlast i dag. Alle klar for hyggeleg lag. Med full fart, og gassen i bånn, vart det mykje balluba og hoppetårn. På toppen av dette, 16 vaksne og. Eit par? Eit dusin? Nei, huttetu, me bikka jo mest eit snes! Så takk for i dag, både store og små. Om kun ei veke vert det nok ei råd…. !
Fjelljegerresultat 2022
Me takkar for oss for i år, med eit lite glimt av to av våre aller mest trufaste daltakarar, Anna Kvæven (tv) og Ester Tjørhom. Fjelljegeren 2022 er omsider ved veis ende, postar plukka ned og poeng talde opp. Takk så mykje for strålande innsats i år til alle som har delteke. Voneleg vart det nokre fine turar i vårt flotte hjørne av denne vesle planeten. Nedanfor finn du resultatliste og tilhøyrande forklaring for kodane i han. På gjensyn i…
Knøtterekord
Etter ein liten nedtur på hovudindeksen sist veke, smalt det til med ikkje mindre enn 17 små kroppar i full aktivitet i gymsalen i dag. Ballar, tau, rockeringar, madrassar….det var helst berre vektene att på lageret då dei mange små var ferdige med å forsyna seg til kveldens leikorama. Takk for strålande oppmøte!
Knøttetreningdebut
Onsdag 26.10 troppa 14 små spirer opp i gymsalen på Sinnes skule. Her koste dei seg i ein time med balansering, balleik, spenstøving og sosial interaksjon. Alle tiders at så mange hadde anledning til å koma. Leiketimen vart avslutta med ein runde «alle mine duer» med forrykande innsats. Me sjåast neste veke!