Kveldens knøttetrening i gymsalen sette årsrekord med heile 18 knøtt i ymse aldrar i aktivitet ute på parketten. Det var aktivitetar av alle slag, både auge/hand, auge/fot, balanse, koordinasjon, samarbeid og kreativitet. I dag var det og mange engasjerte støtteapparat på plass. God stemning og flott aktivitet i haustmørkret. Og standarden er sett!
No er planen klar for den komande sesongen i Sirdal skilag. Me har laga ein aktivitetskalender som du kan leggja til på telefonen din (iCal), eller du kan skriva han ut og klistra han på kjøleskåpet heime om det er det enklaste for deg. Me har mange aktivitetar, og noko for alle skulle ein tru. Velkomen skal det vera!
Torsdag 22.8 vert haustens fyrste runde med terrengløp. Barnehage- og skuleungar er alle hjarteleg velkomne! Klokka 18 er det berre å stilla med «stivla» på føtene på Høneneset, så gjeng startskotet for sesongen 2024 ganske så kjapt. Velkomen og lukke til!
Torsdag 6.6 vert det lagskveld på Grendehuset på Tjørhom. Dørene opnar kl. 1800. Vel møtt!
Sirdal skilag minner om sykkelløp på Sinnes skule, i morgon kl. 17.00. Velkomne skal de vera!
Nedanfor er alle referat frå årsmøte i Sirdal skilag tilgjengeleg.
I dette innlegget finn du årsmeldingane til dei ulike idrettane i Sirdal skilag frå 2019.
Når mørket senkar seg i november, trekk mangt og mykje innomhus, mus, såvel som fotballgale mannfolk. Det er nok ikkje å ta hardt i, om ein nyttar omgrep som «historisk», «smekkfullt» eller «sprengd gymsal» for å skildra deltakinga på fotball for herrar måndag 26.11.2018. Heile 15 spelarar var å finne i gymsalen på Sinnes skule. Om ikkje rekord (statistikk manglar), så er det i alle fall på topp 10-lista. Takk til alle som tok turen. Og hugs…det er endå plass…
I anledning ny skistadion på Tjørhom, lanserer me også ny nettside for Sirdal skilag. Her vil de finna relevant informasjon om skilaget og deira aktivitetar. De vil kunne tinga tid til trening og løp. Det er og oppretta ei diskusjonsforum der de kan ta opp saker og spørsmål som er aktuelle.